Attavissaq

1. NALINGINNAASUMIK:

Illua-tungeriit akornanni allamik allakkatigut isumaqatigiissuseqartoqarsimatinnagu, tuniniaanermi tunniussinermilu piumasaqaatit uku, neqeroorutinut, tuniniakkanut tunniussinernullu atuutsinneqarput.

2. AKIT:

Akit tamarmik danskit koruuniinik naatsorsugaapput, momsillu ilanngussaanatik. AV Greenland ApS-ip akii AV Greenland ApS-ip akinik nalunaarsuutaani imaluunniit neqeroorutini aalajangersimasuni takuneqarsinnaapput aammalu tunniussinermi aningaasartuutinut paasissutissanik imaqarluni, nioqqutissanik tunniussuinermi aningaasat nalingat, akitsuutit, akileraarutit il. il. allannguuteqarsimassappata AV Greenland ApS tamakku naatsorsortarpai. Nioqqutissiortoq tunisassianik immikkut akimik neqerooruteqarsimappat, AV Greenland ApS-ip noqqaassutaanik, pisisup ullut qulit iluani nioqqutinik tigusisimanermik pisiallu allagartaanik uppernarsaatinik AV Greenland ApS-imut tunniusseqqusivoq. Pisisoq pisussaatitaavoq nioqqutissiortup AV Greenland ApS-illu projektit taamaattut pillugit najoqqutassaat qimerlooqqullugit. Tamanna aamma atuutsinneqarpoq, niuernermi aammalu fiskalimi inatsisiliat malittarisaliornerillu najoqqutaralugit, piffissaq projektinit taakkunaneersunit paasissutissanik toqqorsinermut atorneqartoq. Pisisup AV Greenland ApS-ip imaluunniit nioqqutissiortup najoqqutassaat unioqqutippagit, AV Greenland ApS pisisumut akiligassiissusiornissamik pisinnaatitaavoq, aammattaaq AV Greenland ApS-ip aamma/imaluunniit nioqqutissiortup pisisoq siunissami projektinut peqataaqqissinnaajunnaartissinnaavaa.

3. AKILIINEQ:

Akiliineq kingusinnerpaamik pissaaq piffissaq eqqortoq akiligassiissummi ulloq akiliiffissatut allassimasoq malillugu. Malittarisaq pingaarneq malillugu akiliineq ingerlaannaq pissaaq. Ulloq kingulleq akiliiffissaq allassimanngippat akiliineq tunniussinermi pissaaq. Akiliineq ullup akiliiffissap kingulliup qaangiutereernerani pissappat AV Greenland ApS ernianik akitsuutinillu eqqaasitsissutinik qaammammut 2%-iusunik naatsorsuisinnaatitaavoq akiligassap akilerneqarnissaata tungaanut. Pisisup akiliutai aatsaat taamaatinneqassapput erniat aningaasartuutillu akilerneqareerpata. Taassuma kingorna akiitsorineqartut. Pisisoq AV Greenland ApS-imit allakkatigut akuersissutigineqarsimasumik peqanngikkuni AV Greenland ApS-imut illuatungiliuttumik akiligassamut annikillisaataasumik piumasaqaateqarnissamut pisinnaatitaanngilaq, kiisalu aamma pisinermi illuatungiliunneq aallaavigalugu tamakkiisumik akileerusunnginnissamut pisinnaatitaanani. Tunniussineq pisisup pissutsit suugaluarnersut peqqutigalugit kinguartissagaluarpagu, pisisoq piffissaq isumaqatigiissutaasimasoq eqquutsinneqarsimasutut ilillugu AV Greenland ApS-imut akiliuteqassaaq. AV Greenland ApS tamanna allakkatigut nalunaaruteqarluni avaqqussinnaavaa.

4. PIGINNITTUUSINNAATITAANEQ:

Pisiap akia tamarmi, tunniussinermi aningaasartuutit kiisalu erniaasinnaasut aningaasartuutaasinnaasullu allat akilerneqarnissaata tungaanut AV Greenland ApS nioqqutissamut tunniussamut piginnittuusinnaanermik pisussaatippoq.

5. PISIAMIK TUNNIUSSINEQ:

Danmarkimi najugaqaraanni tunniussineq toqqaannartumik pisarpoq. Tunniussinermi aningaasartuut akimi ilanngunneqarsimanngippat tunniussineq pisisumut akiligassiissutigineqartarpoq. Pisiap tigunissaanut piffissaliorneqartoq AV Greenland ApS-imit neqeroorut imaluunniit isumaqatigiissut naapertorlugu naatsorsorneqarluni missingersorneqartarpoq. AV Greenland ApS nassiussinerni kinguaattoorutinut akisussaatinneqarsinnaanngilaq, kisianni sapinngisaq tamaat piffissaq eqqorlugu pisiap tunniunneqarnissaa anguniartarparput. Assartuussinermi sillimmasiineq akiligassiissummi nioqqutissap akiata 0,4%-ia + angallassinermi aki kiisalu iluanaarutaasinnaasut 10%-ia ilanngullugu akileqquneqartarpoq.

6. EQQUNNEQARTILLUGU AVAMMULLU ASSARTORNEQARTUT PILLUGIT MALITTARISASSAT:

Tunisassiat, sillimmatissat, teknikkikkut data, software aammalu uppernarsaatit tamaasa eqqussinerni avammullu assartuinerni inatsisinut, malittarisassanut malittarisaliornernilu allanut ilaasinnaapput, pisisulli nioqqutissat avammut nioqqutigissagunigit Danmarkimit, EU-mit USA-mit nunamilu eqqussiffimmit malittarisaliornernit killiligaanngillat. Pisisoq pisussavoq nioqqutissanik eqqussinermi avammullu tunisinermi inatsisiliornerit malittarisaliornerillu malinnissaanut, aammattaaq akuersissutinik licensinillu pisariaqartunik pissarsinissamut.

7. INNIMINNIINERMI KUKKUSAT/UTERTITSINEQ:

Nioqqutissat nalinginnaasumik utertinneqarsinnaasanngillat. Siumoorluguli allakkatigut isumaqatigiissut atorlugu pisuni aalajangersimasuni nioqqutissanik utertitsineq/taamaatitsineq pisinnaavoq, tamannalu taamaallaat atuuppoq nioqqutissat ammarneqanngippata originalimillu puuaniippata. Nioqqutissat inniminnikkat kiisalu PC-kkut Notebooksikkullu inniminnikkat taamaatinneqarsinnaanngillat utertinneqarsinnaanatillu. Nioqqutissanik inniminnikkanik utertitsinermi/taamaatitsinermi akiligassartap nalingata 15%-ia, nioqqutissap pisiortorfimmit angallannerata akia aamma pisiortorfimmut utertitsinermi angallannerata akia ilanngullugit utertitsinermi akiligassamik akitsuusiornissamut AV Greenland ApS pisinnaatippoq, minnerpaamilli 350 kr.-iusinnaalluni. Nioqqutissat akii atuuttut naapertorlugit utertinneqassapput.

8. TUNISASSIAT PILLUGIT PAASISSUTISSAT:

Quppersakkani tuniniaanermilu nassuiaatini allani paasissutissat kukkuneqarsinnaanerinut aammalu allannguuteqarsinnaanermut pisinnaatippugut. Kukkunerit allannguutillu AV Greenland ApS-imut atuutsinneqarsinnaanngillat.

9. TUNISASSIAMIK ALLANNGORTITSINEQ:

Pisisumut ajoqutaanngitsumik AV Greenland ApS tunisassianik imaluunniit tunisassiat ilaannik tassanngaannaq allannguisinnaanermut pisinnaatitaavoq.

10. PIGISAANNGITSUNUT PISINNAATITAAFFIIT:

Nioqqutissat meqqii tamarmik immikkut pisinnaatitaaffimmik piginnittumit pigineqarput. Nioqqutissat meqqiinik atuiniaraanni piumasaqaataavoq siumoortumik immikkut pisinnaatitaaffimmik piginnittumit akuersissummik pissarsisimanissaq. Softwarenik atuinerit tunniussinerillu tamarmik nioqqutissap lincensimut isumaqatigiissusiaanit malittarisaliuussaapput. Software tunniussami/nioqqutissami ilanngussaq niuernermi pisisumut tunniunneqartarpoq, taanna taamaallaat tuniniaaqqinnermut ataatsimut atuinissamullu atuutsinneqarpoq, tamanna isumaqarpoq atuisunit software-mik kopeerineq imaluunniit ingerlateqqiineq inerteqqutaavoq*. Software-mik arlaleriaq atoqqiisinnaaneq immikkut ittumik allakkatigut licensimik tunniussisumit isumaqatigiissusiornissaq piumasaqaataavoq. Nioqqutissanik nunami pineqartumit avammut nioqquteqartoqarsimatillugu pigisaanngitsunut pisinnaatitaaffinnik eqqunngitsuliortoqarsimatillugu AV Greenland ApS akisussaatinngilaq, AV Greenland ApS nioqqutissamik tunniussereermat AV Greenland ApS pisisumut qulakkeerinnissinnaanngilaq nioqqutinik atuinermi pisinnaatitaaffiit nunami pineqartumi licensimik isumaqatigiissummi ilaanersut.
*atuisinnaanermut licensimut isumaqatigiissusiat sorliuneri matumani apeqqutaatinneqarput

11. AMIGAATIT AJOQUTILLU:

Nioqqutimik tunniussinermi pisisup ingerlaannaq pisiaminik misissuinissaa pisariaqarpoq. Pisisoq amigaateqassappat ingerlaannaq, kingusinnerpaamik tigusinermit 48 tiimit ingerlareernerata kingorna, AV Greenland ApS-imut allagaqarluni nalunaaruteqassaaq tassanilu suna amigaatiginerlugu nalunaarutigineqassalluni. Pisisup amigaatiminik malugisaqaleruni ingerlaannarlu nalunaarutiginngippagu, pisisup amigaatini kingusinnerusukkut atuutsissinnaanngilaa. AV Greenland ApS amigaatit pillugit ikiuunnissamut imaluunniit nioqqutinik taarsiinisaamut aalajangiisinnaatitaavoq. AV Greenland ApS-ip allakkatigut akuersiissuteqartinnagu AV Greenland ApS allannguutinut imaluunniit nioqqutini pisianut akuliunnernut pisussaassuseqartitaanngilaq. AV Greenland ApS matumunnga noqqaassuteqassappat, pisisup naammagittaalliutip kingorna, pisisup nammineq akiligaanik akisussaaffigisaanillu pisiaq amigaatilik originalimik puuaniisillugu AV Greenland ApS-imut utertissinnaavaa. AV Greenland ApS sukkulluunniit pisiaq ajoquteqartutut nalunaarutigisaq kisiat tigussallugu pisinnaatippoq. AV Greenland ApS immikkut ittumik isumaqatigiissuteqartilluni sullissiumassaguni tunisassianik pisiarineqarsimasunik taamaallaat sullissisinnaanissamik pisussaassuseqarpoq. AV Greenland ApS tunisassianik ajoquteqartutut nalunaarutigisanik misilittaanissamik pisussaatippoq. Misilittaanermi tunisassiaq AV Greenland ApS-ip ajoquteqanngitsutut nalunaarutigippagu naatsorsuutigineqassaaq tunisassiap utertinnerani akiligassaq ilanngullugu suliatut naammassisutut nalunaarutigineqassasoq. AV Greenland ApS-illu misilittaareernerata kingorna taarsiineq imaluunniit akiligassiissut pissaaq.
Taarsiineq: Tunisassiaq assinganik amerlassuserisaanillu taarserneqassaaq.

12. AKISUSSAAFFIMMUT KILLIGITITAT:

AV Greenland ApS-imut taarsiivigeqquneq aki akiligassiissummi allaqqasoq qaangerneqaqqusaanngilaq. AV Greenland ApS-ip taarsiiviginninnermi akisussaaffia toqqaannartumik annaasamut atuutsinneqarpoq, AV Greenland ApS-ilu angallassinermi annaasaqarnermut, iluanaaruteqarnermi annaasaqarnermut imaluunniit allatigut annaasaqarnermut akisussaatinneqanngilaq. AV Greenland ApS kinguaattoornerni imaluunniit amigaateqartoqarsimanerani ikiuunniarnermi, taarsiiniarnermi imaluunniit taassuminnga siunertaqarnermut kinguaattoorutaasunut akisussaatinngilaq. AV Greenland ApS pissutsini assigiinngitsuni nioqqutinik apuussinissamut akornutaasinnaasunut imaluunniit nioqqutinik apuussiniarnermi ajornartorsiuteqartillugu akisussaassuseqartitaanngilaq. Suliffeqarfiit akornanni isumaqatigiinnginnerit imaluunniit akerleriit aqussinnaanngisaannik nalaatamik allamik peqquteqarnerit, soorlu ikuallatoornerit, sorsunnerit, sorsunnissamut piareersarnerit imaluunniit assigisaanik, inatsisitigut noqqaassuteqarnerit, arsaarinnissuteqarnerit, valutamut atatillugu killilersuinerit, pikitsitsinerit eqqissiviilliornerillu, angallassinermi atortorissaarutinik amigaateqarnerit, nioqqutinik pissaaleqinerit, angallassinermi killilersuinerit amigaateqarnerillu imaluunniit suliassap pisataanik pilersuisup kingusinaarluni tunniussinerit; uku nalaatat taakkartorneqartut peqqutaallutik imaluunniit allamik nalaatamik peqquteqarluni AV Greenland ApS-ip isumaqatigiissutigisamik piviusunngortitsisinnaannginneranut tunngaviusinnaapput. Neqeroorutip/isumaqatigiissutip akuerineqannginnerani nalaatat oqaatigineqartut pissagaluarpata isumaqatigiissutillu eqquutsinnissaannut sunniuteqassappata, pisullu piffissami tassani naluersorneqarsinnaasimanngippata akisussaassuseqartitaannginnissamik kinguneqassaaq. Tunisassiat niuernermut atugassiatut ilusilersugaapput. Tunisassiortumit allakkatigut akuersissummik peqanngikkaanni tunisassianik systeminut navianartunut, soorlu isumannaallisaanermut, qaartartunut imaluunniit sakkutuunut atortorissaarutitut, pilersuinermi suliffeqarfinnut, inuunermi allanngutsaaliisussatut ikkussuinernut imaluunniit sakkulersuutinik nittarsaassinernut atuinerit inerteqqutaapput.

13. TUNISASSIAMUT AKISUSSAAFFEQARNEQ:

Kalaallit Nunaanni eqqartuussinikkut inatsisitigut tunisassianut akisussaaffik ukunani killilersimaartinneqarpoq: AV Greenland ApS-ip nioqqutinik tunniussinerani AV Greenland ApS kukkussutaanik imaluunniit sumiginnaaneranik peqquteqartumik pisiaq ajoqusersimappat tamannalu uppernarsarneqarsinnaappat, AV Greenland ApS akisussaatinneqarsinnaavoq.

14. PISINNAATITAAFFINNIK PISUSSAATITAAFFINNILLU TUNNIUSSISINNAANEQ:

Isumaqatigiissut malillugu AV Greenland ApS pisinnaatitaavoq pisinnaatitaaffinnik aamma pisussaaffinnik tamanik inummut allamut ingerlatitseqqissinnaanermik.

15. ISUMAQATIGIINNGISSUTIT:

AV Greenland ApS-ip aamma pisisup akornanni isumaqatigiinngissutit Kalaallit Nunaanni eqqartuussisarneq malillugu aalajangerneqassaaq.