Skærmit
Skærmit assigiinngitsut neqeroorutigaagut:
- Skærmit
- Skærmit toortakkat
- Paasissutissanut skærmit
- Digitalimik allagartalersuineq/signage
- Ataatsimiinnissamut inniminniinermi skærmit
- LED skærmit angisuut
- Projektorit
Siunertat suliassallu assigiinngisitaartuusarput, taamaammat skærmimik toqqaaneq tamatigut siunertarisamut pisariaqartitanullu tunngaveqartariaqarpoq.
Ataani maluginiaqqusagut aalajangersimasut ataatsimoortissimavagut, skærmimillu ataatsimik arlalinnilluunniit pisileruit siunnersuinissamut piareersimalluta.
Consumer skærmi imaluunniit professionel skærmi?
Nalinginnaasumik kukkussutigineqartartoq tassaavoq elektronikkinik pisiniarfimmi nalinginnaasumik skærmisineq, ‘consumer skærmimik’ taaneqartartumik, taamaaliornerlu akisunaarneqarsinnaavoq skærmi professionalitut atorneqassappat.
Taamaammat skærmit professionellit consumerillu piginnaasaat immikkoortinneqarsinnaanissaannut erseqqissaatiginissaat pingaaruteqarpoq.
Ajortunngujaassuseq
Consumer skærmi nalinginnaasoq angerlarsimaffimmi atugassatut pisiarisartagarput angerlarsimaffimmi atugassatut sananeqarnikuuvoq.
Skærmimik nalinginnaasumik sanagaanni tunngaviusartut, qalipaatip pitsaassusaata annikillinnginnerani imaluunniit ajornartorsiutit allat puttussuutilinnginnerini, tassaapput ullormut agguaqatigiissillugu 8 tiimit atorneqartarnissaa taavalu 15-20.000 tiimit uumasinnaanissaa.
Skærmimi professioneliusumi sulissutigineqartartoq tassaavoq, qalipaatip assillu pitsaassusaanut ajoqutaanngitsumik skærmi ukiuni arlalinni ullormut 16 tiimimiit 24 tiiminut ikumasinnaanissaa.
Piginnaasat professionalit taakkua pingaaruteqarput videovæg-eqassagaanni, taakkunanimi pisariaqarpoq skærmip assinik assigiiaanik takutitsisinnaanissaa. Assersuut alla tassaasinnaavoq, infoskærmit, taakkumi ullormut akunnerpassuarni ikumasarput.
Qaamaneq
Skærmi qaamasumi inississagaanni pisariaqarpoq skærmi sakkortuumik qaamaneqarnissaa. Piginnaasaq taanna consumer skærmip pisariaqartinngilaa, nalinginnaasumimmi sumiiffia apeqqutaalluni nammineerluta qaamanera aqussinnaasaratsigu.
Skærmili saaffiginnittarfimmi qaamasumi, pisiniarfimmi imaluunniit silami inississagaanni qaammarngup sakkortunerunissaa pingaaruteqarpoq, ‘Nits’-ini uuttortarneqartartoq. Consumer skærmi professionel skærmilu sanilliutissagaanni consumer skærmi nalinginnaasumik 150-250 Nits-iusarpoq skærmillu professionalit pisiassaasartut 300-2000 Nits-iusarlutik, pisariaqartitat apeqqutaallutik.
Skærmip imarisaa
Aamma pingaaruteqarpoq skærmip imarisaasa sumut atorneqarnissaanut nalilersuinissaq. Imaassinnaasoq skærmi napparissumik (imaluunniit kussartillugu) atorusunnerugit nallarissumit - taamaassappat skærmimik professionelimik atornissat piumasaqaataavoq. Consumer skærmi nallarissuutinnagu atorneqassappat qularnaveeqqummik unioqqutitsineruvoq.
Kisianni aamma imaassinnaasoq ungasianit skærminik aqutsisinnaanissaq kissaatigineqartoq. Taamatut aqutsiniaraanni RS232 imaluunniit Ethernet atorneqartarput, taakkulu nalinginnaasumik skærmit professionaliusut pigereertarpaat
Skærmip inissisimaffissaa kisiat pingaaruteqanngilaq, sunik takutitsinissaa aamma pingaaruteqarpoq.
Attartuutut ilusilersugaq
Skærmit professionaliusut nalinginnaasumik qernertumik amitsumik rammeqartarput ullutsinnilu trendsit eqqarsaatiginagit ilusilersugaasarlutik. Naliminut ilisaqqunnanngitsumik ilusilersuisarnerup inerneraa, skærmit ukiuni arlalinni atasinnaanerat.
Tamanna piaaraluni toqqagaavoq, sullitatummi qularnanngitsumik skærmimik piffissami sivisuumi atorsinnaasumik aammattaaq qanganisarpalulaarsinnaasumik peqarsinnaanissat anguniarlugu.
Tamanna isumaqanngilaq skærmip inissisimaffissaminut tulluarsarneqarsinnaannginnera. Assersuutigalugu skærmi standerip iluanut inissinneqarsinnaavoq imaluunniit qisummik qalipaatinik avatangiisinut tulluartunik qalipaasersukkamik sinaakkuserneqarsinnaalluni.
Qularnaveeqqut
Skærmit professionaliusut sivisuumik atorneqarsinnaasumik sananeqarnikuummata qularnaveeqqutinik allaanerusunik pitsaanerusunillu neqerooruteqartarneq nalinginnaasuuvoq. Nioqqutissiortut amerlasuut ukiuni pingasuni qularnaveeqqusiortarput akiliillunili sivitsorneqarsinnaasunik, assersuutigalugu ukiunut tallimanut sivitsorneqarsinnaavoq.